ဆာလာအိတ်အတွင်း ထည့်သွင်းထားသည့် အလောင်းတလောင်း
ပြင်ပဒဏ်ရာမရှိပဲ ဆာလာအိတ်အတွင်း ထည့်သွင်းထားသည့် အလောင်းတလောင်း မြစ်ကြီးနားတွင်တွေ့ရှိ
ဇူလိုင် ၂၄
ရမ်ပူရပ်ကွက်တွင် အိမ်ဌားနေထိုင်သူတစ်ဦး ၎င်းနေထိုင်သည့် ခြံဝင်းအတွင်းတွင် ပြင်ပဒဏ်ရာ မတွေ့ရှိရဘဲ သေဆုံးနေပြီး ဆာလာအိတ်ဖြင့် အထုတ်ခံထားရသော ဖြစ် စဉ် ဖြစ်ပွားခဲ့ကြောင်း ရမ်ပူရပ်ကွက်မှရာအိမ်မှုး တစ်ဦးကပြောသည်။
ဆာလာအိတ် ၃တင်းဝင်အိတ်နဲ့ လူကိုအရှည်လိုက်မထဲ့ဘဲ ဒူးခေါင်းကိုခေါက်ပြီး လက်အနောက်မှာထားပြီး အိတ်ကိုချုပ်စက်နဲ့ ချုပ်ထားပါတယ် သေဆုံးရတဲ့အကြောင်း စုံကိုတော့ မနက်ဖြန် ဆေးစာရမှသိမယ်ထင်တယ် ဟု ၎င်းပြောသည်။
အဆိုပါ သေဆုံးသူ စိုးအောင်(ခ)အိုကီကျန် ရမ်ပူ လမ်းသွယ်၂၄နယ်မြေ ၂၀ အိမ်အမှတ်၁၇၄၃တွင် ၎င်းဌားရမ်းနေထိုင်သည့် အိမ်ဝင်းအတွင်း၏ အိမ်အနောက်ဘက် အမှိုက်ပုံတွင် တွေ့ရှိရပြီး သေဆုံးသူ၏ သူငယ်ချင်း များ လာရောက် အကြောင်းကြားမှသာ ရပ်ကွက်အတွင်းမှ လူများသိရှိခဲ့ရခြင်းဖြစ်သည်။
သေဆုံးသူဟာသူ့အိမ်ထဲမှာပဲဖြစ်တာပါ အပေါင်းအသင်း လူအဝင်အထွက် များတယ်လို့ ပတ်ဝန်းကျင်က ပြောစကားအရ သိရပါတယ် ။
ယနေ့ ဇူလိုင် ၂၄ တွင် ရင်ခွဲစစ်ဆေးမှာပါဟု မြို့နယ်ရဲမှုး သန်းဦးကပြောသည်။အဆိုပါ သေဆုံးသူကို ဇူလိုင် ၂၃ ရက်ညနေ ၃နာရီ ခန့်တွင် တွေ့ရှိရပြီး သေဆုံးနေသည်မှာ ၃ရက်ကနေ ၅ရက်ခန့် ရှိပြီ ဟုခန့်မှန်းရကြောင်း ရဲမှုးသန်းဦးကပြောသည်။
မီးမီး (မြစ်ကြီးနား)
No comments: